FRÆÐSLA & FORVARNIR 

- forsendur, hlutverk og verkefni 
 

I. Forsendur : Áfengis- og vímuefnamál eru umfangsmikill málaflokkur sem snertir fjölmörg svið samfélagsins. Forvarnir eru viðfangsefni stofnana, félagasamtaka, fyrirtækja, fjölskyldna og einstaklinga. Forvarnir eru viðvarandi viðfangsefni í nútímasamfélagi. Á hverjum tíma er þörf fyrir upplýsingar um stöðu mála og ráðgjöf sem byggist á fyrirliggjandi þekkingu á grundvelli reynslu og rannsókna.

II. Hlutverk : FRÆ er ætlað að styrkja og efla fíknivarnir í landinu með fjölbreyttu upplýsinga- og fræðslustarfi meðþekking í þágu forvarna að leiðarljósi.  Miðstöðinni er ætlað að afla upplýsinga um fíkniefnamál og forvarnir, starfrækja gagnasafn, veita fræðslu og upplýsingar um fíkniefnamál og veita ráðgjöf í forvörnum.        

III. Verkefni:

1. Öflun upplýsinga

Miðstöðin aflar gagna og upplýsinga um áfengis- og fíkniefnamál með sérstaka áherslu á forvarnir. Um er að ræða blaðagreinar, útgefnar bækur á íslensku, skýrslur, rannsóknaniðurstöður o.fl.

Fylgst með straumum, stefnum og reynslu annarra þjóða með tengslum við stofnanir og samtök sem vinna að áfengis- og fíkniefnamálum. FRÆ tekur beinan þátt í norrænu samstarfi í vímuvörnum (Nordan) og er í tengslum við aðila sem safna alþjóðlegum upplýsingum, s.s. WHO og EMCDDA.

2. Gagnasafn og vefsíða

Upplýsingaefni og gögn eru flokkuð og aðgengileg í gangasafni miðstöðvarinnar. Miðstöðin heldur einnig úti vefsíðu (forvarnir.is) með ýmsum upplýsingum.

3. Úrvinnsla og miðlun upplýsinga

Miðstöðin tekur saman og gefur út eftir föngum ýmsar upplýsingar um forvarnamál. Þeim er miðlað í skýrslum og öðru útgefnu efni, á vefsíðu og í tímaritunum. Miðstöðin stendur einnig að gerð fræðsluefnis.

4. Ráðgjöf í forvörnum

Sveitarfélögum, skólum, félagasamtökum og öðrum er veitt ráðgjöf í forvörnum sem byggð er á rannsóknum, reynslu og mati á árangri verkefna hér á landi og erlendis. Miðstöðin hefur m.a. umsjón með forvarnaverkefni í framhaldsskólum á vegum menntamálaráðuneytis og starfrækir Starfsfólk FRÆ hefur unnið að uppbyggingu skólastarfs í forvörnum ma með þátttöku við skipulag Ráðgjafaskóla Íslands og Forvarnaskólans. 

5. Samstarf í fíknivörnum

Miðstöðin er í formlegu og óformlegu samstarfi við ýmsa aðila sem vinna að áfengis- og fíknivörnum í landinu.