Heimili og skóli: Foreldrasamningurinn
Starfsemi: Samtökin vinna að hagsmunum barna og foreldra og að því að efla tengsl heimila og skóla. Aðaláherslur í starfinu eru að veita foreldrum/félagsmönnum stuðning og liðveislu og miðla upplýsingum til foreldra svo að þeir geti betur sinnt uppeldi barna sinna og skólagöngu; að koma sjónarmiðum foreldra á framfæri við yfirvöld og vinna að því að auka áhrif foreldra á skólastarf og að efla starf foreldrafélaga og leggja þeim lið.
Aðsetur: Suðurlandsbraut 24, 105 Reykavík, sími 562 7475, fax 5610547. 

Foreldrarölt
Starfsemi: Foreldraröltið er sjálfboðastarf foreldra. Það er skipulagt af foreldrafélagi í viðkomandi skólahverfi. Markmiðið er að virkja foreldra til samstöðu um að virða lög um útivistartíma barna og unglinga og koma í veg fyrir hópamyndun unglinga eftir að lögbundnum útivistartíma lýkur. Um er að ræða nokkurs konar jákvætt eftirlit þar sem fylgst er með unglingunum álengdar en ekki höfð nánari afskipti af þeim nema eitthvað sérstakt komi upp.
Aðsetur: Skólinn í hverfinu eða félagsmiðstöð. 

Jafningjafræðsla framhaldsskólanema
Starfsemi: Nemendur í framhaldsskólum hafa þjálfað sig til þess að vinna að hugarfarsbreytingu meðal skólasystkina sinna til að stemma stigu við misnotkun áfengis og koma í veg fyrir neyslu ólöglegra fíkniefna. Starfandi eru hópar í hverjum framhaldsskóla. Jafningjafræðsla starfar nú að mestu innan Reykjavíkurborgar yfir sumartíma að hvers kyns forvarnastarfi meðal ungmenna.  Starfsmaður í fullu starfi stýrir verkefninu.
Aðsetur: Hitt húsið, HINU HÚSINU, 101 Reykjavík, sími 551 5353, fax 562  4341. 

Lions-Quest Tilveran - fræðsluverkefni
Námsefni fyrir 12-14 ára nemendur og foreldra þeirra.
Í efninu er kennd færni sem kemur að gagni í daglegu lífi og áhersla er lögð á heilbrigðan og jákvæðan lífsstíl. Þættir sem teknir eru fyrir í efninu eru m.a. samskipti og samvinna, að byggja upp sjálfstraust, sjálfsaga og ábyrgðartilfinningu, að skilja og hafa stjórn á tilfinningum, tengsl við fjölskyldu og vini, að leysa vandamál, að taka ákvarðanir og gagnrýnin hugsun. Útgáfa námsefnisins er samstarfsverkefni Lionshreyfingarinnar og Námsgagnastofnunar.
Aðsetur: Námsgagnastofnun, Víkurhvarfi 3, 203 Kópavogur, sími 535 0400  www.nams.is

Náum áttum - fundarhópur um fíkniefnamál
NÁUM ÁTTUM - er opinn samstarfshópur um fræðslu- og forvarnir sem í sitja:
Landlæknir | Lýðheilsustöð | Félag fagfólks í frítímaþjónustu FFF | Barnaverndarstofa | FRÆ Fræðsla og forvarnir
Reykjavíkurborg | Vímulaus æska / Foreldrahús | IOGT á Íslandi | Heimili og skóli
Þjóðkirkjan | Lögreglan á höfuðborgarsvæðinu | Barnaheill | Umboðsmaður barna 


SAMAN - hópurinn
Samstarfsvettvangur ýmissa stofnana og samtaka sem vinna að velferð barna og ungmenna. Tengist sú vinna einkum forvörnum, uppeldi, menntun, meðferðar- og ráðgjafarúrræðum. Meginmarkmiðið með starfi hópsins er að vinna saman að þvi að styðja og styrkja foreldra í uppeldishlutverkinu.
Aðsetur: www.samanhopurinn.is