RÁÐGJAFARSKÓLI ÍSLANDS

The Icelandic School of Addictions Studies

RÁÐGJAFASKÓLINN

Ráðgjafarskóli Íslands býður upp á tvenns konar nám. Annars vegar nám í Ráðgjafaskólanum, sem er fyrir þá sem starfa við, eða ætla sér að starfa við ráðgjöf á ýmsum sviðum, s.s. á geðsviði, á áfangaheimilum og öldrunarheimilum, fyrir unglinga og fyrir áfengis- og fíkniefnaneytendur og fjölskyldur þeirra. Hins vegar nám í Forvarnaskólanum, sem er fyrir þá sem starfa að eða hyggjast starfa að forvörnum og forvarnaráðgjöf.

Markmið Ráðgjafarskóla Íslands er að auk þekkingu þeirra sem starfa að forvörnum og ráðgjöf og auka gæði þessa starfs með því að bjóða upp á skipulagða og skilgreinda fræðslu. Nám í Ráðgjafarskóla Íslands er því tilvalið fyrir þá sem vinna (eða ætla sér að vinna) að forvörnum og íhlutun (ráðgjöf) á ýmsum sviðum, s.s. sveitarfélögum, fyrirtækjum, skólum, félagasamtökum, æskulýðs- og íþróttastarfi, löggæslu, sálgæslu, félagsþjónustu og kirkjulegu starfi  Með náminu gefst kostur á að öðlast yfirsýn á stuttum tíma sem annars tæki flesta langan tíma.

Ráðgjafaskólinn (stofnaður í september 2004)

Ráðgjafaskólinn er fyrir þá sem starfa við, eða ætla sér að starfa við ráðgjöf á geðsviði, á áfangaheimilum og öldrunarheimilum, fyrir unglinga og fyrir áfengis- og fíkniefnaneytendur og fjölskyldur þeirra.

Stefán Jóhannsson M.A. er skólastjóri Ráðgjafaskólans og hefur starfað við áfengis- og fíkniefnaráðgjöf stærstan hluta starfsævi sinnar. M.a. var hann forstjóri Cornerstone Institute í Flórída í 14 ár, kennari við sumarskóla Rugters University og skólastjóri Florida School of Addictions við University of North Florida í Jacksonville í tvö ár.

Fyrirkomulag námsins og námsmat 
Námið í Ráðgjafaskólanum er alls 150 klukkustundir, 100 klukkustundir eru skipulagðar kennslustundir; 50 klukkustundir eru til heimanáms og verkefnavinnu. Námstími er u.þ.b. fjórir mánuðir. Þar sem gert er ráð fyrir að nemendur séu jafnframt í fullu starfi á námstímanum er reynt að laga námstímann að þörfum nemenda eins og kostur er. Gerðar eru kröfur um töluvert heimanám á milli kennslustunda.

·          Námið í Reykjavík fer þannig fram að kennt er fjóra virka daga (einn dag í viku) kl. 18-22 og tvo laugardaga í mánuði kl. 9-16. 

·          Námið utan Reykjavíkur fer þannig fram að kennt er í lotum, þ.e. fimmtudag, föstudag og laugardag í hverri lotu. Kennd er ein lota í mánuði. Hver lota telur 20 klukkustundir nema fyrsta lota sem stendur föstudag og laugardag, samtals 12 klukkustundir. Samtals er því um að ræða 5 lotur auk tíma til próftöku og útskriftar í lokin.

Námið við skólann er viðurkennt af alþjóðasamtökunum IC&RC (The International Certification & Reciprocity Consortium). Nemendur sem útskrifast úr Ráðgjafarskóla Íslands (Ráðgjafaskólamum) öðlast þar með rétt til þess að sækja um alþjóðlega viðurkenningu (skírteini) sem áfengis- og vímuefnaráðgjafi (Alcohol & Other Drug Abuse Counselor - AODA) frá IC&RC.

Hvað er tekið fyrir í náminu: 

- Grunnþekking á alkóhólisma og fíkn í önnur efni en áfengi. 
- Vinsun, inntaka, meðferðarkynning og mat á skjólstæðingi. 
- Ráðgjöf (einstaklings-, hóp- og fjölskylduráðgjöf) og tækni til inngripa. 
- Meðferðarstjórnun, meðferðaráætlanir, skýrsluhald. 
- Inngripatækni í áföllum, samtalstækni. 
- Forvarnir og fræðsla. 
- Samstarf við aðra fagaðila. 
- Siðfræði, lögfræðileg álitamál, trúnaðarmál. 
- Sérstakir hópar (þjóðerni, menning, kynhneigð, kynferði, alnæmi og fatlanir). 
- Líffræði og efnafræði áfengis og annarra vímuefna (lögleg, ólögleg, sniffefni og nikótín). 
- Sálfræðileg, tilfinningaleg og persónuleg álitamál, þroski skjólstæðinga. 
- Tólf spor, erfðavenjur og heimspeki sjálfshjálparhópa.
- Einnig: ADHD meðferð, meðvirkni, geðræn vandamál, ofbeldi, tilfinningavandamál og leiðbeiningar um að halda fyrirlestur.

Nánari upplýsingar:
Ráðgjafarskóli Íslands
Pósthólf 943 
121 Reykjavík

stefanjo@xnet.is

Sími:553 8800